CƏMİYYƏT


Hacıqabulda mənzildən oğurluq edən şəxs saxlanılıb

Bakı, 22 oktyabr, AZƏRTAC 

Oktyabrın 12-də Hacıqabul rayon sakini Vasif Manafov Daxili İşlər Nazirliyinin (DİN) 102 - Zəng Mərkəzi Xidmətinə və rayon polis şöbəsinə müraciət edərək ona məxsus fərdi evdən ümumi dəyəri 1350 manat olan məişət avadanlığının oğurlanması ilə bağlı məlumat verib.

DİN-in mətbuat xidmətinin Şirvan regional qrupundan AZƏRTAC-a verilən məlumata görə, oğurluğu törətməkdə şübhəli bilinən rayon sakini 35 yaşlı Ağaqulu Quliyev Hacıqabul Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində saxlanılıb. Dindirilmə zamanı A.Quliyev törətdiyi cinayət əməlini etiraf edib. Oğurladığı məişət avadanlıqları satdığı şəxslərdən maddi sübut kimi götürülüb.

Faktla bağlı Hacıqabul Rayon Polis Şöbəsinin İstintaq bölməsində araşdırma aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.