DÜNYA


Hindistanda leysan yağışları səbəbindən baş verən daşqınlar nəticəsində azı altı nəfər həlak olub

Bakı, 13 iyul, AZƏRTAC

Hindistanın şimal-şərqindəki Assam ştatında ötən həftənin sonlarından başlayan leysan yağışlarının səbəb olduğu daşqınlar nəticəsində altı nəfər həlak olub, onlarla insan itkin düşüb. Bundan başqa, 800 mindən çox insan təhlükə ilə üzləşib.

AZƏRTAC NDTV telekanalına istinadla xəbər verir ki, aramsız yağışlar səbəbindən çaylarda suyun səviyyəsi rekord dərəcədə artıb. Sinoptiklər ştatda intensiv leysan yağışlarının ən az iki gün davam edəcəyini bildiriblər.

Hökumət orqanlarının məlumatına əsasən, təbii fəlakət Assam ştatının 33 dairəsindən 21-də ciddi fəsadlar törədib. Daşqınlardan ən çox zərər görən rayonlardan 7 min insan təxliyə edilib. Məcrasından çıxan çaylar, həmçinin 27 min hektar əkin sahəsini, o cümlədən çay plantasiyalarını su altında qoyub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.