DÜNYA


Hindistanda məktəb avtobusu uçuruma yuvarlanıb

Bakı, 5 yanvar, AZƏRTAC

Yanvarın 5-də Hindistanın şimalinda yerləşən Himaçal-Pradeş ştatında məktəb avtobusunun uçuruma yuvarlanması nəticəsində azı 7 nəfər, o cümlədən 6 məktəbli həlak olub.

AZƏRTAC TASS informasiya agentliyinə istinadla xəbər verir ki, yol-nəqliyyat hadisəsi Sirmur dairəsində, Sanqrah şəhəri rayonunda qeydə alınıb. İnsident nəticəsində, həmçinin 8 məktəblinin yaralandığı bildirilir. İlkin məlumata əsasan, qəzaya sürücünün dağ yolunda idarəetməni itirməsi səbəb olub. Hadisənin baş verdiyi ərazidə axtarış-xilasetmə işləri davam edir.

Avtomobil yollarında sıxlıq, yol örtüyünün vəziyyətinin pis olması və sürücülərin intizamsızlığı Hindistanda ciddi yol-nəqliyyat hadisələri ilə müşayiət olunur. Rəsmi məlumata əsasən, avtomobil qəzaları nəticəsində ölkədə hər gün 400 nəfərə qədər, il ərzində isə təxminən 150 min insan həyatını itirir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.