İQTİSADİYYAT


İŞĞAL OLUNMUŞ TORPAQLARIMIZ MÜTLƏQ GERİ ALINACAQDIR

AZƏRTAC xəbər verir ki, martın 31-də Azərbaycanda Atatürk Mərkəzində “Maarifçi gənclər” İctimai Birliyi (İB) ilə birgə 31 Mart - Azərbaycanlıların soyqırımı günü ilə bağlı dəyirmi masa keçirilmişdir.

Əvvəlcə, erməni vəhşiliklərinin qurbanlarının əziz xatirəsi birdəqiqəlik sükutla yad edilmişdir.

Mərkəzin müdiri, Milli Məclisin deputatı, AMEA-nın müxbir üzvü Nizami Cəfərov ermənilərin və onların havadarlarının xalqımıza qarşı son iki əsrdə həyata keçirdikləri soyqırımı, torpaqlarımızda törətdikləri qanlı faciələr barədə həqiqətləri faktlarla diqqətə çarpdırmış, bu cinayətlərin planlı şəkildə davam etdirildiyini, minlərlə günahsız insanın xüsusi qəddarlıqla qətlə yetirildiyini, qəsbkar düşmənin işğalçılıq siyasətindən bu gün də əl çəkmədiyini vurğulamışdır.

Maarifçi gənclər İB-nin nümayəndələri Rəşad Bağırov, Bəkir Mahmudov, Mübariz Mustafayev, Səbinə Cəbrayılova və başqaları keçən əsrin əvvəllərində Bakıda, respublikamızın Şamaxı, Quba, Zəngəzur, Naxçıvan və s. bölgələrində ermənilərin xalqımızın başına gətirdiyi müsibətlərdən, ümummilli liderimiz Heydər Əliyevin “Azərbaycanlıların soyqırımı haqqında” 1998-ci il 26 mart tarixli Fərmanının siyasi və tarixi əhəmiyyətindən danışmışlar. Xalqımızın haqq işinin qalib gələcəyinə əmin olan natiqlər bildirmişlər ki, gənclərimiz işğal olunmuş əzəli Azərbaycan torpaqlarını hər an azad etməyə hazır olmalıdır. Bu müqəddəs vəzifəni yerinə yetirmək üçün hazırda ölkəmizin qüvvətli ordusu, əzmkar rəhbəri vardır!

Sonda Azərbaycan xalqının soyqırımı ilə bağlı beynəlxalq təşkilatlara müraciət qəbul olunmuşdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.