MƏDƏNİYYƏT
İnqrid: Bura mənim evim kimidir
Bakı, 27 iyul, AZƏRTAC
“Jara” festivalına ilk dəfə qatılıram. Bakına çox sevirəm. Bura mənim evim kimidir. Gözəl dəniz, əsrarəngiz şəhər, bir sözlə, Bakıda olmağımdan qürur duyuram.
Bu sözləri AZƏRTAC-a məxsusi müsahibəsində “Jara” festivalının iştirakçısı, məşhur fransız müğənni İnqrid deyib.
Festivalın yüksək səviyyədə təşkil olunduğunu bildirən İnqrid bu möhtəşəm musiqi bayramına məxsusi hazırlaşdığını dilə gətirib: “Günlər günəşli keçir, əsl dəniz havasıdır. Zəhmətim hədər getmədi, perfomansım tamaşaçılara zövq yaşatdı. Səhnədə sürprizlər təqdim etməyə çalışdım. Tamaşaçılar ifamı bəyəndilər və bu məni çox sevindirir”, - deyə müğənni bildirib.
Festivalda ən yaxşı mahnıların səsləndirildiyini, bunun hamıda gözəl əhval-ruhiyyə, müsbət emosiya doğurduğunu vurğulayan İnqrid deyib: “Səhnə olduqca gözəl məkanda yerləşir. Bəzən dəniz ön plana keçir. “Jara” isə isti Bakı havasına əlavə hərarət gətirir”.