İQTİSADİYYAT


İnternet xidmətinin keyfiyyəti və tarifləri müzakirə olunub

Bakı, 7 oktyabr, AZƏRTAC

Nəqliyyat, Rabitə və Yüksək Texnologiyalar Nazirliyi yanında İctimai Şuranın təşəbbüsü ilə Azərbaycanda internet xidmətlərinin inkişaf etdirilməsi ilə bağlı mövcud vəziyyətin və qarşıda duran vəzifələrin müzakirəsinə həsr olunmuş görüş keçirilib.

Nazirlikdən AZƏRTAC-a bildirilib ki, tədbirdə İctimai Şuranın üzvləri, Nəqliyyat, Rabitə və Yüksək Texnologiyalar Nazirliyinin Aparatının rəhbər şəxsləri, ölkədə fəaliyyət göstərən mobil rabitə operatorları, internet provayderləri, bu sahədə sahibkarlıq fəaliyyəti ilə məşğul olan subyektlərin nümayəndələri iştirak ediblər.

Görüş iştirakçılarına Azərbaycanda internet təminatının yaxşılaşdırılması, istifadəçilər üçün internetin daha əlçatan olması, mövcud infrastrukturun yenilənməsi istiqamətində Nəqliyyat, Rabitə və Yüksək Texnologiyalar Nazirliyi tərəfindən həyata keçirilən tədbirlər və qarşıda duran vəzifələr haqqında ətraflı məlumat verilib.

Müzakirələr zamanı bu sahədə sahibkarlıq fəaliyyəti ilə məşğul olan subyektlərin nümayəndələrini maraqlandıran suallara cavab verilib, onların təklifləri dinlənilib.

Həmçinin internet xidmətlərinin təminatının daha da yaxşılaşdırılması üçün dövlət-özəl tərəfdaşlığının inkişaf etdirilməsinin vacibliyi və aspektləri, internet xidmətinin keyfiyyəti və tarifləri müzakirə olunub. İstifadəçilərin dayanıqlı, keyfiyyətli və fasiləsiz internet xidmətləri ilə təmin edilməsi, problemlərin aradan qaldırılmasına çevik reaksiya verilməsinin vacibliyi provayderlərin diqqətinə çatdırılıb.

Sonda tədbir iştirakçıları belə bir görüş təşkil edildiyi üçün İctimai Şuraya öz minnətdarlığını bildirib və bu formatda müzakirələrin gələcəkdə də keçirilməsinin məqsədəuyğun olduğunu qeyd ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.