DÜNYA


İraqın Hərbi Hava Qüvvələri İŞİD terror qruplaşmasına zərbə endirib

Bakı, 18 noyabr, AZƏRTAC

İraqın Hərbi Hava Qüvvələrinin ölkənin şərqində yerləşən Diyala əyalətində İŞİD qruplaşmasına qarşı həyata keçirdiyi xüsusi əməliyyat nəticəsində beş silahlı öldürülüb.

AZƏRTAC Al Arabiya telekanalına istinadla xəbər verir ki, İraq müdafiə nazirinin məlumatına görə, silahlılar Birləşmiş Operativ Komandanlığının Diyala əyalətindəki qərargahına hücum etməyə hazırlaşırdılar.

Bir müddət öncə İraqın təhlükəsizlik qüvvələri İŞİD qruplaşmasının “Əl-Faruk” bölməsinin komandirlərindən birini həbs edib. Qruplaşma üzvləri Əl-Mahmudiyyə və Əl-Həsva yaşayış məntəqələrini birləşdirən yolda yeddi tankı yandırıb, həmçinin 4 dinc sakinin ölümü ilə nəticələnən partlayış törədiblər.

Son zamanlar İraqın müxtəlif əyalətlərində İŞİD silahlılarının hücumları artıb. Ölkənin təhlükəsizlik qüvvələri buna cavab olaraq ekstremistlərə qarşı əməliyyatları artırıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.