ELM VƏ TƏHSİL


İstanbulda keçirilən simpozium iştirakçıları Əhməd bəy Ağaoğlunun məzarını ziyarət ediblər

Bakı, 22 oktyabr, AZƏRTAC 

İstanbulda “Türk dünyasının görkəmli ictimai-siyasi xadimi – Əhməd bəy Ağaoğlu” mövzusunda oktyabrın 21-22-də keçirilən simpoziumun iştirakçıları Azərbaycan ictimai fikir tarixinin böyük nümayəndələrindən biri, görkəmli publisist, tənqidçi, tanınmış hüquqşünas və şərqşünas alim Əhməd bəy Ağaoğlunun məzarını ziyarət ediblər.

Azərbaycan İlahiyyat İnstitutundan AZƏRTAC-a bildirilib ki, simpozium bu gün öz işini panellərlə davam etdirir.

Konfransda məruzə ilə çıxış edən 20-dən çox alimin “Türk dünyasının görkəmli ictimai-siyasi xadimi – Əhməd bəy Ağaoğlu” mövzusunda toplanmış məqalələri kitab şəklində çap olunacaq.

Xatırladaq ki, “Türk dünyasının görkəmli ictimai-siyasi xadimi – Əhməd bəy Ağaoğlu” simpoziumu sentyabrın 19-20-də Azərbaycan İlahiyyat İnstitutunda eyni mövzuda keçirilmiş elmi konfransın davamıdır. Tədbir Azərbaycan Prezidenti İlham Əliyevin Əhməd bəy Ağaoğlunun anadan olmasının 150 illik yubileyinin keçirilməsi haqqında 2019-cu il 10 aprel tarixli Sərəncamından irəli gələn vəzifələr çərçivəsində təşkil olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.