MƏDƏNİYYƏT


İstanbulun ən böyük kitabxanası - Rami kitabxanası

Bakı, 18 yanvar, AZƏRTAC

Türkiyənin Mədəniyyət və Turizm Nazirliyi Rami Kitabxanasına gələcək ziyarətçilərin yolunu gözləyir. İstanbulda Eyüpsultanda yerləşən Rami Kitabxanası XVIII əsrə aid Rami Kazarması ərazisində yerləşir. Özünəməxsus struktur və materiallar əsasında aparılan bərpa, təmir və tikinti işlərindən sonra Rami Kitabxanası “İstanbulun ən böyük kitabxanası”na çevrildi. Bu kitabxana Avropanın özünəməxsus xüsusiyyətlərinə malik azsaylı kitabxanalarından biridir.

AZƏRTAC verir ki, Rami Kazarması kampusunun 4200 nəfərlik oturma tutumu, körpə və uşaq kitabxanası, rəqəmsal kitabxanası, gənclər kitabxanası, böyüklər üçün kitabxana və müxtəlif ixtisaslaşdırılmış kitabxanalar da daxil olmaqla çoxsaylı bölmələri var. Müasir kitabxana xidmətləri göstərə bilməsi üçün kompleksə 24 saat xidmət göstərən iş və oxu zalları, uşaq bölməsi, etüd bölməsi, qrup və fərdi iş zalları da daxildir.

Rami Kitabxanası Türkiyənin ilk “Biosfer Dayanıqlı Muzey Sertifikatı”na malikdir.

Arxiv yazılarından məlum olduğu kimi, Rami Ferma Kazarması Osmanlı İmperatorluğunda Sultan III Mustafanın (1757-1774) dövründə vəzir Rami Mehmet Paşa tərəfindən qurulmuşdur. Cümhuriyyət dövründə də orduya xidmət edən kazarmalar 1960-cı illərə qədər fəal şəkildə istifadə olunub. Kışla 2014-cü ildə başlayan və 2023-cü ildə tamamlanan bərpa işləri ilə Türkiyənin ən əhəmiyyətli kitabxanalarından birinə çevrildi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.