İDMAN


Joze Mourinyo “Mançester Yunayted” klubunun “Nyukasl” ilə oyunundan sonra istefaya göndəriləcək

Bakı, 6 oktyabr, Nicat Məmmədov, AZƏRTAC

İngiltərənin “Mançester Yunayted” komandasının baş məşqçisi Joze Mourinyo Premyer Liqanın 8-ci turunda “Nyukasl” klubu ilə ev oyunundan sonra istefaya göndəriləcək.

AZƏRTAC xəbər verir ki, “Mançester Yunayted” klubunun rəhbərliyi portuqaliyalı mütəxəssisin rəhbərlik etdiyi komandanın yeni mövsümdəki çıxışından məyus olub və buna görə də onun istefaya göndərilməsi barədə qərar qəbul edib.

J.Mourinyo matçın nəticəsindən asılı olmayaraq, vəzifəsindən göndəriləcək. Belə olan halda klub 55 yaşlı portuqaliyalı mütəxəssisə 20 milyon funt sterlinq təzminat ödəyəcək.

“Mançester Yunayted” klubunun baş məşqçisi vəzifəsinə əsas namizəd kimi Zinəddin Zidan göstərilir.

Qeyd edək ki, bu gün keçiriləcək “Mançester Yunayted” – “Nyukasl” görüşü Bakı vaxtı ilə saat 20:30-da start götürəcək. “Qırmızı şeytanlar” hazırda 10 xalla onuncu pillədə qərarlaşıblar. 2016-cı ilin mayında “Mançester Yunayted” klubunun baş məşqçisi təyin edilən Mourinyo bu müddətdə UEFA Avropa Liqasının, İngiltərə Liqa Kubokunun və Super Kubokunun qalibi olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.