DÜNYA


Karlos Qon onun ünvanına səsləndirilən ittihamları əsassız hesab edir

Tokio, 8 yanvar, AZƏRTAC 

“Nissan” şirkətinin sabiq rəhbəri Karlos Qon yanvarın 8-də Tokioda keçirilən məhkəmə iclasında bildirib ki, onun ünvanına səsləndirilən ittihamların heç bir əsası yoxdur.

AZƏRTAC xəbər verir ki, bu barədə Kyodo agentliyi məlumat yayıb. K.Qonun sözlərini sitat gətirən agentlik yazır: “Mənə qarşı irəli sürülən ittihamların heç bir əsası yoxdur. Mən “Nissan” şirkətinə ziyan vurmamışam. Ömrümün 20 ilini “Nissan”ın bərpasına həsr etmişəm. Mənim günahım yoxdur, həbsdə saxlanmağım isə ədalətsizlikdir. Mən bütün qəlbimlə “Nissan”a sevgi və hörmət bəsləyirəm, tam gücümlə onun bərpasına çalışmışam”. “Nissan”ın sabiq rəhbəri şirkətdən gəlirlərini tam göstərməməsi barədə məlumatı rədd edib. K.Qon deyib ki, prokurorluğun ittihamları səhvdir, qanun pozuntusuna yol verilməyib.

Qeyd edək ki, “Nissan”ın sabiq rəhbəri onun vəkillərinin prokurorlara ünvanladığı həbsin yanvarın 11-dək uzadılması ilə əlaqədar səbəbləri göstərmək barədə tələbindən sonra Tokio məhkəməsində ilk dəfə çıxış edib. Eyni zamanda, o, həbs olunduqdan sonra ilk dəfə ictimaiyyət qarşısına çıxıb.

Xatırladaq ki, “Nissan” şirkətinin sabiq rəhbəri və onun köməkçisi Qreq Kelli noyabrın 19-da həbs olunublar. Dekabrın 25-də Q.Kelli girov müqabilində azad edilib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.