DÜNYA


Kasım-Jomart Tokayev Qazaxıstanın hakim partiyasının sədri seçilib

Nur-Sultan, 28 yanvar, AZƏRTAC

Qazaxıstan Prezidenti Kasım-Jomart Tokayev “Nur Otan” (“Vətənin işığı”) partiyasının sədri seçilib.

AZƏRTAC xəbər verir ki, bu barədə Prezidentin mətbuat xidməti məlumat yayıb.

Bildirilib ki, Kasım-Jomart Tokayev Qazaxıstanın hakim partiyasının növbədənkənar qurultayında bu vəzifəyə seçilib.

Qeyd edək ki, Tokayevin bu posta namizədliyini Qazaxıstanın ilk Prezidenti, indiyədək hakim partiyanın sədri vəzifəsində çalışan Nursultan Nazarbayev təklif edib.

Yanvarın 28-də Qazaxıstanın hakim “Nur Otan” partiyasının onlayn formatda növbədənkənar qurultayı öz işinə başlayıb. Qurultayda ölkənin bütün regionlarından 389 nümayəndə iştirak edir.

Ölkənin rəhbər şəxsləri, siyasi şuranın üzvləri, rayon təşkilatlarının nümayəndələri, deputatlar və hökumətin üzvləri qurultaya videobağlantı vasitəsilə qoşulublar.

İlahə Əhmədova

AZƏRTAC-ın xüsusi müxbiri

Nur-Sultan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.