İQTİSADİYYAT


Kataloniyada turizmin inkişafı məqsədilə yeni format hazırlanıb

Madrid, 3 noyabr, AZƏRTAC

Virtual reallıqdan istifadə etməklə turizmin inkişafına xidmət edəcək dünyanın ilk videooyunu Kataloniyada hazırlanıb.

AZƏRTAC xəbər verir ki, regionda turizmin inkişafı məqsədilə hazırlanan “Legends of Catalonia” oyunu Kataloniya hakimiyyətinin əcnəbi turistləri, xüsusən də istirahət üçün bu regionu daha çox seçən amerikalıları cəlb etmək məqsədi daşıyan promo-kampaniyasının bir hissəsidir. Layihəyə artıq 1,4 milyon avro xərclənib.

Virtual reallıq regionun tarixi və görməli yerləri ilə videooyun formatında tanış olmağa imkan verir. 50 dəqiqəlik oyunun işlənib-hazırlanmasında ABŞ, Kolumbiya, Böyük Britaniya və İspaniyanın müxtəlif sahələrdən olan 40 mütəxəssisindən ibarət komanda çalışıb. Videooyun 3 ay ərzində ərsəyə gəlib və noyabrın 5-dən satışa çıxarılacaq.

İdeya müəllifləri qeyd edirlər ki, bu, unikal kampaniyadır. Çünki bu vaxtadək dünyanın heç bir ölkəsində dövlət orqanları turizmin inkişafı məqsədilə bu formatdan istifadə etməyiblər.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.