REGİONLAR


Lənkəranda baş verən yol qəzasında sürücü ölüb

Lənkəran, 17 sentyabr, Bağır Əliyev, AZƏRTAC

Sentyabrın 17-də günorta saatlarında Lənkəran-Boradigah yolunun Vilvan kəndindən keçən hissəsində ağır yol-nəqliyyat hadisəsi baş verib.

AZƏRTAC-ın bölgə müxbiri xəbər verir ki, Astara rayonunun Maşxan kənd sakini, 1989-cu il təvəllüdlü Rauf Əliyevin idarə etdiyi "Mercedes" markalı yük maşını Lənkəran rayonunun Osakücə kənd sakini, 1953-cü il təvəllüdlü Şəmsəddin Babayevin idarə etdiyi "VAZ-2107" markalı avtomobillə toqquşub.

Hadisə zamanı "VAZ-2107" yoldan çıxaraq elektrik dirəyinə çırpılıb və sürücü Şəmsəddin Babayev hadisə yerində ölüb.

Faktla bağlı araşdırmalar aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.