REGİONLAR


Lerikdə Heydər Əliyevin anadan olmasının 98-ci ildönümü təntənə ilə qeyd olunub

Lerik, 10 may, Bağır Əliyev, AZƏRTAC

Ölkəmizin bütün bölgələrində olduğu kimi, Lerik rayonunda da Azərbaycan xalqının ümummilli lideri Heydər Əliyevin anadan olmasının 98-ci ildönümü böyük təntənə ilə qeyd olunub.

AZƏRTAC-ın bölgə müxbiri xəbər verir ki, mayın 10-da Lerik Rayon İcra Hakimiyyəti başçısının səlahiyyətlərini icra edən Cəlil Baxşıyev, Milli Məclisin deputatı İqbal Məmmədov, rayonun hüquq mühafizə orqanlarının, idarə, müəssisə və təşkilatlarının rəhbərləri, ağsaqqallar pandemiya qaydalarını gözləməklə Ulu Öndərin abidəsi önünə gül dəstələri düzərək xatirəsini ehtiramla yad ediblər.

Lerikdə Ümummilli Liderin doğum günü ilə əlaqədar rayon icra hakimiyyəti və Yeni Azərbaycan Partiyasının rayon təşkilatının birgə təşkilatçılığı ilə ağacəkmə aksiyası keçirilib.

Aksiya zamanı Lerik şəhərindəki “Şəhidlər” abidə kompleksində, şəhərin park və xiyabanlarında, Lənkəran-Lerik magistral avtomobil yolunun 20-ci, 52-55-ci kilometrliklərində, Lerik-Qosmalıan-Kəlvəz avtomobil yolunun kənarında 1000-dən çox çinar, sərv, qovaq və digər ağaclar əkilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.