Bakı, 9 mart (AzərkTAc). Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı çərçivəsində Bakı-Böyük Kəsik istiqamətində 317 kilometr yolun əsaslı təmiri davam edir. 

“Azərbaycan Dəmir Yolları” Qapalı Səhmdar Cəmiyyətinin mətbuat katibliyindən AZƏRTAC-a bildirmişlər ki, martın 8-dən 17-dək dəmir yolunun Qarabucaq-Müsüslü mənzilində 8,6 kilometr yol əsaslı təmir olunacaqdır. Bununla da Bakı-Böyük Kəsik istiqamətində 200 kilometrin təmiri baş çatacaqdır. Artıq köhnə yolun söküntüsünə başlanılmışdır.

Əsaslı təmir işlərini “Azərbaycan Dəmir Yolları” QSC “Dəmiryolservis” MMC-nin müəssisələri və İnfrastruktur Departamentinin müvafiq qurumları həyata keçirir. Bu günədək 193 kilometr yol əsaslı təmir olunmuşdur.