REGİONLAR


Masallıda voleybol üzrə rayon birinciliyi təşkil olunub

Masallı, 6 oktyabr, Bağır Əliyev, AZƏRTAC

Masallı Rayon Gənclər və İdman İdarəsinin və Uşaq-Gənclər İdman Şahmat Məktəbinin birgə təşkilatçılığı ilə rayonun Boradigah qəsəbəsindəki idman zalında, torpaqlarımızın azadlığı uğrunda öz canlarından keçərək şəhidlik zirvəsinə ucalan qəhrəmanlarımızın xatirəsinə həsr olunmuş məktəblilər arasında voleybol üzrə rayon birinciliyi keçirilib.

AZƏRTAC-ın bölgə müxbiri xəbər verir ki, 8 məktəb komandasının mübarizə apardığı rayon birinciliyində Hişkədərə kənd tam orta məktəbinin komandası birinci, Türkoba kənd tam orta məktəbinin komandası ikinci, Qodman kənd tam orta məktəbin komandası üçüncü yeri tutublar.

Qaliblərin mükafatlandırılması mərasimində çıxış edən Masallı Rayon Gənclər və İdman İdarəsinin rəisi Sabiq Cahangirov və Uşaq–Gənclər İdman Şahmat məktəbinin direktoru Əlifağa Yaqubov qeyd ediblər ki, yarışın keçirilməsində məqsəd 44 günlük Vətən müharibəsində torpaqlarımızın işğaldan azad olunması zamanı şəhid olmuş qəhrəmanlarımızın əziz xatirəsini yad etmək, məktəblilər arasında sağlam həyat tərzini təbliğ etməklə, onların asudə vaxtlarını səmərəli keçirməkdir.

Qaliblərə Masallı Rayon Gənclər və İdman İdarəsi tərəfindən diplomlar təqdim olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.