MƏDƏNİYYƏT


Mədəniyyət Nazirliyinin əməkdaşları işğaldan azad edilmiş torpaqlara təhkim olunub

Bakı, 16 noyabr, AZƏRTAC

Ermənilərin məscidlərdə donuz saxlaması faktı vəhşilik, vandallıqdır.

AZƏRTAC xəbər verir ki, bunu jurnalistlərə açıqlamasında mədəniyyət nazirinin birinci müavini, mədəniyyət nazirinin vəzifələrini müvəqqəti icra edən Anar Kərimov deyib.

Onun sözlərinə görə, mənşəyindən asılı olmayaraq ibadət evlərinə hörmət göstərilməlidir: “Təəssüflər olsun ki, biz ermənilər tərəfindən bunu görmədik. Nəinki məscidlər, hətta alban məbədləri belə baxımsız, dağıdılmış vəziyyətdə idi. Bildiyiniz kimi, Hadrutda belə bir alban məbədi tapılmışdı, o baxımsız və dağıdılmış vəziyyətdə idi. Bu, bir daha göstərir ki, ermənilər heç bir ümumbəşəri dəyərə hörmət etmirlər, beynəlxalq hüquq normalarına məhəl qoymurlar. Təəssüflər olsun ki, bu, belədir. Amma biz bu abidələrimizin bərpa edilməsi ilə məşğul olacağıq”.

Anar Kərimov artıq Mədəniyyət Nazirliyinin əməkdaşlarının işğaldan azad edilmiş torpaqlara təhkim olunduğunu vurğulayıb: “Əməkdaşlarımız həmin abidələrin vəziyyətini öyrənir, onların hamısını sənədləşdirirlər. Bu faktları toplayıb beynəlxalq təşkilatlara göndərəcək və eyni zamanda, bu abidələrin bərpa və konservasiya işləri ilə məşğul olacağıq. Bu sahəyə də biz həm yerli, həm də beynəlxalq ekspertləri dəvət etmək istəyirik. Beynəlxalq ekspertlərin dəvət edilməsində məqsəd ondan ibarətdir ki, bütün dünyaya bu vəhşiliklər çatdırılsın”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.