CƏMİYYƏT
Meşə təsərrüfatlarından əldə edilən meşə materiallarının satışı üzrə növbəti açıq hərrac keçiriləcək
Bakı, 15 avqust, AZƏRTAC
İqtisadiyyat Nazirliyi yanında Əmlak Məsələləri Dövlət Xidmətinin Hərracların Təşkili üzrə Auksion Mərkəzi və Ekologiya və Təbii Sərvətlər Nazirliyi yanında Meşələrin İnkişafı Xidməti tərəfindən sentyabrın 9-da meşə materiallarının satışı məqsədilə növbəti açıq hərrac təşkil ediləcək.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, hərracda Zaqatala, Balakən, Qax, Tovuz, Quba, Qusar, Xaçmaz, Masallı, Yardımlı və Cəlilabad rayonlarının meşə təsərrüfatlarında formalaşan müxtəlifcinsli meşə materialları hərraca çıxarılacaq.
Hərracda iştirak etmək üçün iddiaçılar sənədləri sentyabrın 6-da saat 17:00-dək Əmlak Məsələləri Dövlət Xidmətinin Əmlak Xidmətləri Məkanına (Bakı şəhəri, Nizami rayonu, Xəlil Rza Ulutürk küçəsi, 20) təqdim etməlidirlər.
İddiaçılar əsas şərtlər tоplusunu almaq və hərracda iştirak etmək üçün hərrac haqqında elanda qeyd оlunan məbləğdə xidmət haqqı və ilkin ödəniş ödəməlidirlər. Hərracda hüquqi və fiziki şəxslər iştirak edə bilər.
Hərrac elanı ilə Əmlak Məsələləri Dövlət Xidmətinin rəsmi saytında tanış olmaq olar: