DÜNYA


“Microsoft”un antivirusunda 12 il mövcud olan boşluq aşkar edilib

Bakı, 12 fevral, AZƏRTAC

"Windows" əməliyyat sisteminin bir neçə versiyasının tərkibinə daxil olan "Microsoft"un antivirusu ötən ilin sonunda kompüterləri kibertəhdidlərdən qorumaq üçün 10 ən yaxşı həllərdən biri olub. Ancaq indi uzun illər proqramın kodunda hakerlər üçün boşluq olduğu məlum olub. Boşluq aşkar edildikdən sonra proqramın tərtibatçıları bu barədə ətraflı məlumat dərc ediblər və artıq yüklənmə üçün əlçatan olan müvafiq düzəlişi təqdim ediblər.

AZƏRTAC xarici saytlara istinadla xəbər verir ki, hələ 2020-ci ilin noyabrında "SentinelOne" şirkətinin mütəxəssisləri tərəfindən aşkar edilmiş boşluq "CVE-2021-24092" adlandırılıb. O, kibercinayətkarlar tərəfindən qurbanın kompüterinə həm fiziki, həm də uzaq məsafədən müdaxiləni nəzərdə tutan aşağı səviyyəli hücum həyata keçirmək məqsədilə istifadə edilə bilər.

Mütəxəssislərin sözlərinə görə, bu boşluq yalnız "Microsoft Defender"i deyil, həm də "Microsoft Endpoint Protection", "Microsoft Security Essentials" və "Microsoft System Center Endpoint Protection" kimi təhlükəsizlik məhsullarını da əhatə edir.

"SentinelOne" şirkətinin hesabatına əsasən, bu boşluq 12 il aşkar edilməyib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.