İDMAN


“Minsk 2019”un atıcılıq obyektlərinin yarışlara hazırlığı yüksək qiymətləndirilib

Bakı, 14 fevral, AZƏRTAC

Avropa Atıcılıq Konfederasiyasının (ESC) texniki nümayəndələrinin ikinci Avropa Oyunlarının güllə və stend atıcılığı üzrə idman yarışlarının keçiriləcəyi arenaların hazırlığı ilə bağlı Minskə yoxlama səfəri başa çatıb.

AZƏRTAC Oyunların rəsmi saytına istinadla xəbər verir ki, texniki nümayəndə Petros Kuritsisin diqqət mərkəzində stend atıcılığı üzrə yarışların keçiriləcəyi idman atıcılıq kompleksi - “Sporting Club” olub.

Güllə atıcılığı üzrə yarışların təşkil olunacağı kompleksin hazırlığını isə inspektor Vilyem Xaver Qrill yoxlayıb. Obyektlərin yarışlara 90 faiz hazır olduğunu bildirən texniki nümayəndə qeyd edib ki, yalnız infrastrukturun bir hissəsi təkmilləşdirilməlidir.

Sonda hazırlıqla bağlı digər məsələlər müzakirə edilib.

Qeyd edək ki, ikinci Avropa Oyunlarında 208 idmançı 13 dəst medal uğrunda mübarizə aparacaq. Stend atıcıları (122 idmançı) isə 6 dəst medal uğrunda yarışacaqlar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.