MƏDƏNİYYƏT


Mixail Nesterovun çəkdiyi ikona Londonda 56.5 min funt sterlinqə satılıb

Bakı, 26 noyabr, AZƏRTAC

Mixail Nesterovun (1862-1942) “Əllə hazırlanmayan xilaskar” ikonası “Bonhams” hərrac evi tərəfindən təşkil olunan rus incəsənəti nümunələri alqı-satqısında 56.5 min funt sterlinqə satılıb.

AZƏRTAC TASS agentliyinə istinala xəbər verir ki, rus rəssamının əsərinə verilən məbləğ satışı üçün təxmin olunan qiymətdən demək olar ki, iki dəfə az olub.

Hərrac kataloqunda deyildiyi kimi, ikona, Nesterovun Moskvadakı Marfo-Mariinski Mərhəmət Manastırının qərb fasadını bəzədiyi mozaikanın daha kiçik bir versiyasıdır.

Hərracın ən qiymətli, 75.25 min funt sterlinqə satılan əsəri Mixail Larionovun (1881-1964) “Balıq və gül natürmort”u olub.

Eyni qiymətə Karl Faberje zərgərlik şirkətinin nefrit, qızıl və platindən düzəldiyi saat satılıb. Aleksandr Moravovun (1878-1951) 1910-cu ildə çəkdiyi “Heyvanların su içdiyi yerdə” rəsminə isə alıcı 69 min funt sterliq pul ödəyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.