Müharibə veteranlarının əməkhaqqından sığorta haqları necə tutulur?

Bakı, 30 noyabr, AZƏRTAC

Vergi qanunvericiliyinə görə, müharibə veteranlarının əməkhaqqısı sığorta haqlarına cəlb edilirmi?

AZƏRTAC Dövlət Vergi Xidmətinə istinadla xəbər verir ki, Vergi Məcəlləsinə əsasən, qanunvericiliklə müəyyən edilmiş qaydada müharibə veteranı adı almış şəxslərin hər hansı muzdlu işdən vergi tutulmalı olan aylıq gəliri 400 manat məbləğində azaldılır.

Bundan başqa, həmin işçinin gəlirlərindən sosial sığorta, işsizlikdən sığorta və icbari tibbi sığorta haqları ödəmə mənbəyində adi qaydada işəgötürən tərəfindən tutulur və bu zaman müharibə veteranları üçün azadolma və ya güzəşt nəzərdə tutulmayıb.