DÜNYA


Nacib Razak mühakimə olunduğu hökmdən şikayət edəcək

Tokio, 1 avqust, AZƏRTAC

Malayziyanın sabiq Baş Naziri Nacib Razak dünyanın ən böyük maliyyə qalmaqallarından biri ilə əlaqədar onun haqqında məhkəmənin qəbul etdiyi hökmdən şikayət edəcəyini bildirib.

AZƏRTAC xəbər verir ki, bu barədə o, “Facebook” sosial şəbəkəsində yaydığı məlumatda bildirib.

Xatırladaq ki, Malayziya məhkəməsi iyulun 28-də Nacib Razakın 12 il müddətinə həbsdə saxlanması və 50 milyon dollar cərimə ödəməsi barədə qərar qəbul edib. Sabiq Baş Nazir ona qarşı irəli sürülən ittihamın bütün bəndləri üzrə təqsirli bilinib.

N.Razak hakimiyyətdən sui-istifadə, etibardan cinayətkarcasına istifadə və kirli pulların yuyulmasında təqsirli bilinib. Ona qarşı ittiham 2011-2015-ci illərdə MDB dövlət investisiya fondundan 9,9 milyon dollar vəsaitin mənimsənilməsinə görə irəli sürülüb.

Bununla yanaşı, N.Razaka qarşı irəli sürülən ittihamlarla bağlı prosesin hələ davam etdiyi bildirilir. Hökumət strukturlarının bildirdiyinə görə, fonddan ümumilikdə təqribən 4,5 milyard dollar oğurlanıb.

Ona qarşı irəli sürülən bütün ittihamları rədd edən N.Razak qəbul olunan ilk hökmə görə apelyasiya şikayəti verəcəyini bildirib.

Xatırladaq ki, Nacib Razak 2009-2018-ci illərdə Malayziyanın Baş Naziri olub.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.