CƏMİYYƏT


Narkotik vasitələrin qanunsuz dövriyyəsinə qarşı mübarizə sahəsində əməkdaşlığın perspektivləri müzakirə edilib

Bakı, 16 may, AZƏRTAC

Bakıda narkotik vasitələrin qanunsuz dövriyyəsinə qarşı mübarizə sahəsində əməkdaşlığın perspektivləri müzakirə olunub.

Dövlət Gömrük Komitəsinin Mətbuat və ictimaiyyətlə əlaqələr idarəsindən AZƏRTAC-a bildirilib ki, komitənin Əməliyyat-İstintaq Baş İdarəsində ABŞ-ın Ədliyyə Departamentinin Narkotiklərlə Mübarizə İdarəsinin əməkdaşları ilə görüş keçirilib.

Əməliyyat-İstintaq Baş İdarəsinin rəisi Məsum Rəsulov iki ölkənin gömrük orqanları arasındakı qarşılıqlı əməkdaşlıqdan məmnunluqla bəhs edib və işgüzar, səmərəli münasibətlərin daha da inkişaf etdirilməsinin faydalarından danışıb.

İdarə rəisi qonaqlara son zamanlar ölkəmizdə gömrük sistemində həyata keçirilən islahatlar barədə məlumat verib və tətbiq edilən yeniliklərin hüquqpozmalara qarşı mübarizə sahəsində də səmərəliliyinin artırılmasına təkan verdiyini diqqətə çatdırıb.

Eyni zamanda, görüşdə cari ilin ötən dövründə Azərbaycan gömrük orqanları tərəfindən narkotik vasitələrin qanunsuz dövriyyəsinə qarşı mübarizə sahəsində əldə edilən uğurlu nəticələr, bu sahədə əməkdaşlığın gücləndirilməsi, qarşılıqlı maraq doğuran digər məsələlərlə bağlı fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.