ELM VƏ TƏHSİL


Neft-Kimya Prosesləri İnstitutunda akademik Nadir Seyidovun 90 illik yubileyi qeyd olunacaq

Bakı, 18 may, AZƏRTAC

AMEA akademik Y.Məmmədəliyev adına Neft-Kimya Prosesləri İnstitutunda mayın 19-20-də akademik Nadir Seyidovun 90 illik yubileyinə həsr olunmuş “Katalizatorlar, olefinlər əsaslı yağlar” mövzusunda respublika elmi konfransı keçiriləcək.

İnstitutdan AZƏRTAC-a bildirilib ki, konfransın keçirilməsində əsas məqsəd görkəmli alimin elmin inkişafındakı rolunu bir daha işıqlandırmaqdır. Konfransın elmi proqramında “Neft-kimya sintezi”, “Monomerlərin sintezi və polimerləşmə reaksiyalarında tətbiqi”, “Oliqomerləşmə və polimerləşmə reaksiyaları üçün katalizatorlar”, “Polimer kompozit materiallar” bölmələr üzrə plenar, şifahi və stend məruzələrinin dinlənilməsi nəzərdə tutulub.

Qeyd edək ki, akademik Nadir Seyidovun elmi fəaliyyəti əsasən polimer kimyası və neft-kimya sintezi problemlərinin həllinə yönəldilib. O, Azərbaycanda polimer kimyası sahəsində özünəməxsus istiqamət yaratmaqla bu məktəbin əsasını qoyub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.