İDMAN


“Neftçi” klubunun legioneri Premyer Liqanın tarixinə düşüb

Bakı, 20 sentyabr, AZƏRTAC

Sezar Meza Kolli “Neftçi”nin heyətində Premyer Liqada ilk qolunu vurub. Paraqvaylı futbolçu çempionatın dördüncü turunun “Keşlə” ilə görüşündə (3:0) fərqlənib. Sezar bunadək “Keşlə” və “Zirə”də də rəqib qapısına yol tapıb.

AZƏRTAC xəbər verir ki, Meza Kolli Premyer Liqa tarixində 3 və ya daha çox klubda qol vuran 10-cu cənubi amerikalı olub. Bu göstəricidə rekord Leonardo Roşaya məxsusdur. Braziliyalı 4 klubda – “Standard”, “Keşlə”, “Bakı” və “Qarabağ”da qol vurub.

Braziliyalılar Denis Silva, Junivan Suares, Junior Osvaldo, Junior Nildo, Mario Souza, onların Azərbaycan millisində oynamış həmyerliləri Fabio Luis Ramim, Leandro Qomeş, həmçinin uruqvaylı Anxel Qutyerres də Sezar kimi üç müxtəlif klubun heyətində qol sevinci yaşayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.