MƏDƏNİYYƏT


“Nəsimi ili – Nəsimi dili” festivalında Musiqili Teatrın aktyorları çıxış edib

Bakı, 16 aprel, AZƏRTAC

Azərbaycan Teatr Xadimləri İttifaqında Bakı Şəhər Mədəniyyət Baş İdarəsinin Bakı Uşaq Teatrı ilə birlikdə “Bir teatr, bir festival” layihəsi çərçivəsində təşkil etdiyi “Nəsimi ili – Nəsimi dili” festivalına yekun vurulub. Festivalda Azərbaycan Dövlət Akademik Musiqili Teatrı da iştirak edib.

Teatrın mətbuat xidmətindən AZƏRTAC-a bildirilib ki, sənət ocağının aktyorları – Əmrah Dadaşov ifa etdiyi “Neylərəm” qəzəlinə görə festivalın mükafatına layiq görülüb, Mehriban Zalıyeva “Allahu Əkbər, ey sənəm” qəzəlinə, Elnarə Nağdəliyeva isə “Hardasan” kompozisiyasına görə təşəkkürnamə ilə təltif edilib.

Festivalın digər iştirakçıları kimi onların da ifaları tamaşaçılar tərəfindən maraqla qarşılanıb.

Qeyd edək ki, festivalda Bakı Uşaq Teatrı və Azərbaycan Dövlət Akademik Musiqili Teatrı ilə yanaşı, Dərbənd Azərbaycan Dövlət Dram Teatrı, Sumqayıt Dövlət Dram Teatrı, Azərbaycan Dövlət Mədəniyyət və İncəsənət Universiteti və Respublika İncəsənət Gimnaziyasının təmsilçiləri də Nəsimi poeziyasından nümunələrlə çıxış ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.