CƏMİYYƏT
Nizami və Yasamal rayonlarında oğurluqla məşğul olan şəxslər tutulublar
Bakı, 4 iyun, AZƏRTAC
Paytaxtın Nizami və Yasamal rayonları ərazisində oğurluqla məşğul olan şəxslər tutulublar.
Daxili İşlər Nazirliyinin mətbuat xidmətindən AZƏRTAC-a bildiriblər ki, mayın 29-da A.Piriyevin çantasından 50 manat pul və 630 manat dəyərində mobil telefon oğurlamaqda şübhəli bilinən Bakı şəhər sakini U.Qurbanov Nizami Rayon Polis İdarəsinin 25-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
Yasamal rayonu ərazisində üç avtomobildən ümumilikdə 150 manat məbləğində pul, qol saatı və geyim əşyaları oğurlamaqda şübhəli bilinən Bakı şəhər sakini, əvvəllər məhkum olunmuş T.Həmidov Rayon Polis İdarəsinin 26-cı polis bölməsi əməkdaşlarının keçirdikləri əməliyyat-axtarış tədbirləri nəticəsində yaxalanıb.
Hər iki faktla bağlı araşdırma aparılır.