DÜNYA


Norveç dənizdə neft-qaz axtarışı üçün Livana kömək edəcək

Bakı, 11 iyun, AZƏRTAC

Norveç ilə Livan neft-qaz sahəsində birgə əməkdaşlıq edəcək.

AZƏRTAC xəbər verir ki, bu barədə Livan Xarici İşlər Nazirliyi məlumat yayıb. Bildirilir ki, Livanla Norveç 2018-2020-ci illər arasında neft sektorundakı potensialın artırılması və dəstək göstərilməsini nəzərdə tutan əməkdaşlıq müqaviləsi imzalayıb.

Müqaviləyə görə, Norveç Livanda neft-qaz axtarışı və kəşfiyyatı işinə kömək edəcək. Blok 4 və Blok 9 kimi tanınan ərazilərdə birgə neft axtarışı nəzərdə tutulur. Livanın 2019-cu ilin əvvəlində dənizdə neft və qaz axtarışına başlayacağı gözlənilir.

Norveç tərəfi neft resurslarının səmərəli istifadəsi, eləcə də Livan xalqının iqtisadi və ekoloji cəhətdən bu sektordan mənfəət əldə etməsinə yardımçı olmaq istəyir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.