İQTİSADİYYAT


Ölkədən ixrac edilən elektrik enerjisinin həcmi açıqlanıb

Bakı, 15 dekabr, AZƏRTAC

Azərbaycandan elektrik enerjisinin ixracı 1,5 dəfəyədək artıb.

Dövlət Gömrük Komitəsindən (DGK) AZƏRTAC-a bildirilib ki, bu ilin on bir ayında ölkədən 1 milyard 380 milyon 154 min kilovat/saat elektrik enerjisi ixrac olunub. İxrac olunan elektrik enerjisinin dəyəri 64 milyon 968 min ABŞ dolları təşkil edib.

Keçən ilin müvafiq dövründə isə ölkədən 935 milyon 406 min kilovat/saat elektrik enerjisi ixrac edilib, həmin ixracın dəyəri 41 milyon 220 min dollar olub.

Beləliklə də, bu ilin on bir ayında elektrik enerjisinin ixracı keçən ilin eyni dövrü ilə müqayisədə 1,5 dəfəyədək artıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.