Bakı, 26 yanvar (AZƏRTAC). Nəqliyyat Nazirliyi tərəfindən ötən il 200 iritutumlu və 250 ortatutumlu avtobus istismara buraxılmışdır.

Nazirlikdən AZƏRTAC-a bildirmişlər ki, 2012-ci ildə sərnişin və yük daşımaları həyata keçirən nəqliyyat vasitələrinə verilmiş 299 min 271 fərqlənmə nişanlarına görə dövlət büdcəsinə 7,3 milyon manat vəsait ödənilmişdir. Bundan başqa, avtomobil daşımalarını həyata keçirən hüquqi və fiziki şəxslərə 565 lisenziya verilmiş və dövlət büdcəsinə 86,1 min manat vəsait keçirilmişdir. Verilmiş lisenziya kartlarının sayı isə 2 min 219 ədəd təşkil etmişdir. Bu dövrdə avtomobil daşımalarında istifadə edilən nəqliyyat vasitələrinin reysqabağı texniki baxışından 851 min manat məbləğində vəsait əldə edilmişdir.