DÜNYA


Pekinin hava limanlarından 300-ə yaxın uçuş təxirə salınıb

Pekin, 21 noyabr, AZƏRTAC

Çinin paytaxtı Pekində qarlı hava şəraiti "Dasin" və "Paytaxt" hava limanlarından 289 uçuşun təxirə salınmasına səbəb olub.

AZƏRTAC xəbər verir ki, Pekində noyabrın 21-də səhər erkən saatlardan başlayan qar və külək hava limanlarında təyyarələrin enib-qalxmasına çətinlik yaradıb. "Paytaxt" hava limanında 119, "Dasin" aeroportunda isə 170 reys təxirə salınıb. Hava limanlarında uçuş zolaqlarının təmizlənməsinə xeyli texnika cəlb olunub. Günortadan sonra uçuşlar bərpa olunub.

Qeyd edək ki, Çin paytaxtında mövsümün ilk qarının yağması ilə əlaqədar orta səviyyədə xəbərdarlıq elan edilib.

Şahin Cəfərov

AZƏRTAC-ın xüsusi müxbiri

Pekin 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.