İQTİSADİYYAT


Pərviz Şahbazov: 2030-cu ilə qədər Qarabağ və Şərqi Zəngəzuru “yaşıl enerji” zonasına çevirmək öhdəliklərimiz var

Bakı, 13 yanvar, AZƏRTAC

Bizim müəyyən öhdəliklərimiz var: 2030-cu ilə qədər elektrik enerjisinin istehsal gücündə bərpa olunan enerji mənbələrinin payını 30 faizə çatdırmaq, Qarabağ və Şərqi Zəngəzuru “yaşıl enerji” zonasına çevirmək.

AZƏRTAC xəbər verir ki, bunu Azərbaycanın energetika naziri Pərviz Şahbazov Səudiyyə Ərəbistanının energetika naziri şahzadə Əbdül Əziz bin Salman Əl-Səudun iştirakı ilə keçirilən mətbuat konfransında deyib.

Daha sonra nazir sözlərinə əlavə edərək deyib: “COP26-da biz öz öhdəliklərimizi yeniləyəndən sonra 2050-ci ilə qədər ölkə üzrə karbon emissiyalarını 40 faizə çatdırmağa və işğaldan azad edilmiş ərazilər üzrə sıfır emissiyalara nail olmaq istəyirik. Amma enerji keçidi o demək deyil ki, mütləq şəkildə bir enerji resursundan tam şəkildə digər enerji resursuna keçilməlidir. Enerji keçidi, ümumiyyətlə, idarə olunan bir proses olmalıdır və bizim yanaşmamız bundan ibarətdir ki, hər bir enerji resursunun haqqı var ki, enerji keçidində öz iştirakını təmin etsin, amma hansı dövrə qədər? Bunu proses özü göstərəcək”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.