İDMAN


“Qarabağ” məğlubiyyətsiz səfər oyunlarının sayını 15-ə çatdırıb

Bakı, 18 aprel, Nicat Məmmədov, AZƏRTAC

Azərbaycan Premyer Liqasının XXIII turunda “Səbail”in qonağı olan “Qarabağ” məğlubiyyətsiz səfər oyunları seriyasını 15-ə çatdırıb.

AZƏRTAC Peşəkar Futbol Liqasının rəsmi saytına istinadla xəbər verir ki, Ağdam təmsilçisi 1:1 hesablı bu heç-heçəyədək rəqib meydanlarında keçirdiyi son 14 görüşün hamısında xal qazanıb.

Qurban Qurbanovun baş məşqçi olduğu kollektiv səfərdə sonuncu dəfə 2019-cu il noyabrın 22-də məğlubiyyətlə üzləşib. Ötən mövsümə təsadüf edən həmin görüş “Sumqayıt” komandasının 2:1 hesablı qələbəsi ilə yekunlaşmışdı.

“Qarabağ” 15 səfər oyununun 7-də qələbə qazanıb, 8 oyunu heç-heçə başa vurub. Məğlubiyyətsizlik seriyasının 4 matçı ötən mövsümdə, 11-i isə cari mövsümdə gerçəkləşib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.