İDMAN


“Qarabağ”ın potensial rəqiblərindən olan “Dinamo”nun futbolçusu koronavirusa yoluxub

Bakı, 8 sentyabr, AZƏRTAC

UEFA Çempionlar Liqasının pley-off mərhələsində Ağdamın “Qarabağ” klubunun potensial rəqiblərindən olan Xorvatiyanın “Dinamo” komandasının futbolçusu koronavirusa yoluxub.

AZƏRTAC xəbər verir ki, Zaqreb təmsilçisi virusa yoluxan futbolçunun adını açıqlamayıb.

“Dinamo” klubu oyunçular və məşqçilər heyətinin karantinə alınmasına ehtiyac olmadığını bəyan edib.

Qeyd edək ki, “Qarabağ” UEFA Çempionlar Liqasının üçüncü təsnifat mərhələsi çərçivəsində sentyabrın 16-da Tofiq Bəhramov adına Respublika Stadionunda Norveçin “Molde” klubu ilə qarşılaşacaq. Ağdam təmsilçisi qalib gələcəyi təqdirdə pley-off mərhələsində “Ferentsvaroş” (Macarıstan) - “Dinamo” (Zaqreb, Xorvatiya) cütünün qalibi qarşılaşacaq. Pley-off mərhələsinin ilk matçları sentyabrın 22-də və 23-də, cavab qarşılaşmaları isə sentyabrın 29-da və 30-da oynanılacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.