DÜNYA


Qayrettepe-İstanbul Hava Limanı metro xətti gələn il istifadəyə veriləcək

Ankara, 6 noyabr, AZƏRTAC 

Qayrettepe-İstanbul Hava Limanı metro xəttinin tikintisi 2019-cu ilin sonunadək başa çatacaq.

AZƏRTAC xəbər verir ki, bu barədə Türkiyənin nəqliyyat və infrastruktur naziri Mehmet Cahit Turhan məlumat verib. Nazir bildirib ki, 37,5 kilometr uzunluğunda olan bu xətt 9 stansiyadan ibarət layihələndirilib. İndiyədək bu yeraltı polad magistralda işlərin 23 faizi görülüb.

Qeyd edək ki, hazırda Atatürk Hava Limanının texnika və avadanlığı oktyabrın 29-da - Cümhuriyyət Günü rəsmi açılışı olan İstanbul Hava Limanına daşınmaqdadır. Rəsmi məlumata görə, dekabrın 31-dən etibarən İstanbul Hava Limanı sərnişinlərin xidmətində olacaq.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.