CƏMİYYƏT


Qəhvənin sağlamlığa təsiri ilə bağlı tədqiqat aparılıb

Qəhvənin sağlamlığa təsiri ilə bağlı tədqiqat aparılıb

Bakı, 30 mart, AZƏRTAC

Qəhvənin sağlamlığa təsirləri haqqında daha dəqiq fikir əldə etmək üçün tədqiqatçılar ABŞ-nin Kaliforniya ştatının San-Fransisko bölgəsində yaşayan 39 yaşlı 100 nəfər sağlam insan üzərində araşdırma aparıblar.

AZƏRTAC CNN saytına istinadla bildirir ki, iştirakçılar addımlarını, gün ərzində yatdıqları müddəti, qan şəkəri və ürək ritmlərini izləyən cihazlar ilə təmin edilib.

Hər bir iştirakçıya iki gün ərzində istədikləri qədər qəhvə içmək, sonraki iki gün müddətində qəhvənin istehlakını dayandırmağı və bu prosesi iki həftə davam etdirməyi məsləhət görüblər. Tədqiqat zamanı iştirakçıların qəhvə içdikləri günlərdə normal günlərə nisbətən 1058 addım daha çox atdıqları müşahidə edilib, lakin həmin gün onlar ən azından 36 dəqiqə az yatıblar.

Bütün bunlara baxmayaraq, qəhvə içməyin daha az yuxuya səbəb ola biləcək potensial genetik faktor ola biləcəyi də vurğulanıb. Tədqiqatda qəhvə istehlakının normadan çox olması ürək-damar problemləri riskini artıra biləcəyi də qeyd edilib.

Araşdırma "The New England Journal of Medicine" jurnalında dərc olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.