MƏDƏNİYYƏT


Sahibkarlar Konfederasiyasının nümayəndəsi beynəlxalq milli mədəniyyətlər forumunda iştirak edib

Bakı, 25 sentyabr, AZƏRTAC

Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) Polşa Respublikası və Rusiya Federasiyasının Kalininqrad vilayəti üzrə nümayəndəsi Tofiq Rzayev “Kəhraba kaleydoskopu” beynəlxalq milli mədəniyyətlər forumunda iştirak edib.

ASK-dan AZƏRTAC-a bildirilib ki, tədbir Rusiyanın Kalininqrad vilayətinin Zelenoqrad şəhərində, Rusiya Federasiyası Mədəniyyət Nazirliyi və Rusiya Mədəniyyəti Fondunun dəstəyi ilə keçirilib. Forumda iştirakçılar elmi-praktik hissədə, görüşlərdə, sərgi və master-dərslərdə iştirak ediblər.

Milli mədəniyyətlərin daha çox təmsil olunması üçün tədbirə müxtəlif xalqların nümayəndələri dəvət olunublar.

ASK-ın nümayəndəsi T.Rzayev görüşdə Rusiya-Azərbaycan iqtisadi əlaqələri, biznes-görüşlərin təşkili, Azərbaycan Sahibkarlar Konfederasiyası ilə Rusiyanın biznes təşkilatları arasındakı əməkdaşlıqlar barədə məlumat verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.