Qadınlar arasında yarımfinalda Rusiya millisi İtaliya komandasını böyük xal fərqi ilə məğlub edib - 17:7. Beləliklə, Rusiya millisi finala vəsiqə qazanan ilk komanda olub.

Növbəti finalçı isə İspaniya-Yunanıstan qarşılaşmasından sonra məlum olacaq.

16:00

Qadınlar arasında 7-10-cu yerlər uğrunda yarışda Slovakiya komandası 10:6 hesabı ilə Serbiya kollektivinə qalib gəlib.

Növbəti oyunda Fransa və Almaniya komandaları 7-10-cu yerlər uğrunda mübarizə aparacaq.

14:27

Qadınlar arasında 11-12-ci yerlər uğrunda görüşdə Böyük Britaniya yığması İsrail komandasını 10:5 hesabı ilə məğlub edib.

Növbəti oyunda - 7-10-cu yerlər uğrunda görüşdə isə Serbiya kollektivi Slovakiya millisi ilə üz-üzə gələcək.

14:08

Bakı, 18 iyun, P.İmanova, T.Abdullayeva, AZƏRTAC

İyunun 18-də birinci Avropa Oyunlarında su polosu üzrə yarışların yeddinci gününə qadınlardan ibarət komandaların görüşləri ilə start verilib.

AZƏRTAC xəbər verir ki, hazırda 11-12-ci yerlər uğrunda Böyük Britaniya-İsrail kollektivləri qarşılaşır.