DÜNYA


TÜRKSOY-un baş katibinə yeni müavin təyin olunub

Ankara, 11 iyul, AZƏRTAC

Beynəlxalq Türk Mədəniyyəti Təşkilatının (TÜRKSOY) Baş katibinin müavini Fırat Purtaşın səlahiyyət müddəti başa çatıb.

AZƏRTAC xəbər verir ki, bu münasibətlə TÜRKSOY-un mərkəzi qərargahında mərasim təşkil olunub. TÜRKSOY-un Baş katibi Düsen Kaseinov, Türkiyənin Mədəniyyət və Turizm nazirinin müavini Serdar Çam və başqaları Fırat Purtaşın səmərəli fəaliyyətindən bəhs edib, gələcək işlərində uğurlar arzulayıblar.

Səmimi sözlərə və arzulara görə minnətdarlığını ifadə edən Fırat Purtaş əminliklə bildirib ki, bundan sonra da TÜRKSOY-la əməkdaşlığı davam etdirəcək, kollektivlə ünsiyyətini kəsməyəcək.

Baş katib Düsen Kaseinov Qazaxıstanın “Xidmət” medalını Fırat Purtaşa təqdim etdikdən sonra, yeni müavin Bilal Çakıcı kollektivə təqdim olunub.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.