Tahir Mirkişili: Azərbaycan ərzaq qıtlığı ilə ən az üzləşən ölkələrdəndir

Bakı, 1 dekabr, AZƏRTAC

Azərbaycan ərzaq qıtlığı ilə ən aşağı səviyyədə üzləşən ölkələrdəndir. Bu da görülən preventiv tədbirlərin nəticəsidir.

AZƏRTAC xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili parlament komitələrinin dekabrın 1-də keçirilən birgə iclasında deyib.

Minimum səbətə olan ehtiyac meyarından danışan komitə sədri deyib ki, ərzaq təhlükəsizliyinin təmin edilməsi istiqamətində subsidiyaların verilməsi, əlçatanlılıq üçün müvafiq işlər görülür.

T.Mirkişili bildirib ki, ərzaq balansının qorunması qida qıtlığının qarşısının alınmasında çox vacib amildir.