QAN YADDAŞI


Türkiyədə Xocalı faciəsini qınama bəyanatı adlı sənədin imzalanmasına başlanılıb

Ankara, 27 fevral, AZƏRTAC

Azərbaycan Gənclərinin Ankara Həmrəyliyi (AGAH) İctimai Birliyinin təşəbbüsü ilə Türkiyənin müxtəlif ali məktəblərində çalışan 100 professor və dosent Xocalı faciəsini qınama bəyanatı adlı sənədi imzalayıb.

AZƏRTAC xəbər verir ki, sənədin girişində 1992-ci il fevralın 25-dən 26-na keçən gecə erməni vandallarının Azərbaycanın Xocalı şəhərində törətdikləri soyqırımı aktı barədə məlumat verilir. Alimlər tələb edirlər ki, Dağlıq Qarabağ problemi Azərbaycanın ərazi bütövlüyü çərçivəsində həll olunmalı, beynəlxalq ictimaiyyət Xocalı soyqırımına ədalətli mövqe sərgiləməlidir.

AGAH-ın sədri Təbriz Raufoğlu bildirib ki, imza üçün açıq olan bəyanat cari ilin sonunda BMT və digər beynəlxalq təşkilatlara göndəriləcək. Bundan başqa, proses barədə dünya ictimaiyyətini davamlı məlumatlandırmaq üçün müvafiq adda saytın yaradılması nəzərdə tutulub.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.