İQTİSADİYYAT


Türkiyəli nazir: İmzalanan sənəd iki qardaş ölkə arasında ticarət əlaqələrinin daha da genişlənməsinə təkan verəcək

Ankara, 12 oktyabr, AZƏRTAC

Ankarada imzalanan Türkiyə və Azərbaycan arasında sadələşdirilmiş gömrük dəhlizi haqqında anlaşma memorandumu ikitərəfli ticarət əlaqələrinin daha da genişlənməsinə təkan verəcək. Ümidvarıq ki, bir neçə gün sonra Prezident Rəcəb Tayyib Ərdoğanın iştirakı ilə Bakıda keçiriləcək Türk Şurasının Zirvə görüşündə Azərbaycan və Türkiyə arasında ticarətin inkişafına dair imzalanacaq sənəd də qardaş ölkələr üçün daha səmərəli olacaq.

Bu fikirləri AZƏRTAC-a Türkiyənin Ticarət naziri Ruhsar Pekcan Ankarada imzalanan “Azərbaycan Respublikası Hökuməti ilə Türkiyə Respublikası Hökuməti arasında sadələşdirilmiş gömrük dəhlizi haqqında anlaşma memorandumu”n əhəmiyyətini şərh edərkən deyib. Naziq qeyd edib ki, tərəflər bundan sonra da gömrük-keçid məntəqələrində hərəkətin sadələşdirilməsi, elektron sistem vasitəsilə informasiya mübadiləsi, o cümlədən sənədlərin ötürülməsi məsələlərində əhəmiyyətli addımlar atmaqda davam edəcəklər.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.