SİYASƏT


Vyetnamın Dövlət Xəbərlər Agentliyinin saytında Azərbaycan səfirinin məqaləsi yerləşdirilib

Pekin, 31 may, AZƏRTAC

Vyetnam Dövlət Xəbərlər Agentliyinin (VNA) saytında Azərbaycan səfiri Anar İmanovun Xalq Cümhuriyyətinə həsr olunmuş məqaləsi yerləşdirilib.

AZƏRTAC xəbər verir ki, məqalədə Azərbaycan Xalq Cümhuriyyətinin yaranması və fəaliyyəti, habelə tariximizdəki rolu, Ermənistanın ölkəmizə qarşı təcavüzü və apardığı etnik təmizləmə siyasəti nəticəsində bir milyon həmvətənimizin yurd-yuvasından qovulmasından bəhs edilib.

Vurğulanıb ki, BMT Təhlükəsizlik Şurasının Azərbaycanın işğal olunmuş ərazilərindən Ermənistan hərbi qüvvələrinin təcili, tam və qeyd-şərtsiz çıxarılmasını tələb edən qətnamələri uzun illər ərzində kağız üzərində qalıb. Ötən ilin payızında Azərbaycan 44 günlük Vətən müharibəsi ilə öz ərazilərini azad edib.

Məqalədə Azərbaycanın işğal olunmuş ərazilərində ermənilər tərəfindən törədilmiş barbarlıq, o cümlədən şəhər və kəndlərin, habelə mədəni, dini və tarixi abidələrin dağıdılması barədə məlumat verilib. Habelə həmin ərazilərdə Ermənistan ordusu tərəfindən çox sayda minanın yerləşdirildiyi və müharibənin bitməsinə baxmayaraq, minalanmış ərazilərin xəritələrinin bu günədək Azərbaycan tərəfinə təqdim olunmadığı vurğulanıb.

Yazıda ölkəmizin azad olunmuş ərazilərinin bərpası ilə bağlı planlaşdırılan işlər barədə məlumat verilib, Azərbaycan-Vyetnam münasibətlərinə toxunulub.

 

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.