QAN YADDAŞI
Xocalı soyqırımının 28-ci ildönümü ilə əlaqədar İstanbuldakı Xocalı abidəsi ziyarət edilib
İstanbul, 25 fevral, AZƏRTAC
Xocalı soyqırımının 28-ci ildönümü ilə əlaqədar ölkəmizin İstanbuldakı baş konsulluğu tərəfindən silsilə tədbirlər keçirilir.
AZƏRTAC xəbər verir ki, tədbirlər çərçivəsində fevralın 25-də İstanbuldakı Azərbaycan Dostluq Parkında yerləşən Xocalı abidəsi ziyarət edilib, soyqırımı qurbanlarının xatirəsi ehtiramla yad olunub.
Tədbirdə Azərbaycanın İstanbuldaki baş konsulu Məsim Hacıyev, Bağcılar rayon icra başçısı Mustafa Eldivan, Bağcılar Bələdiyyəsinin sədrinin müavini Kenan Gültürk, konsulluğun əməkdaşları, ictimaiyyət nümayəndələri iştirak ediblər.
Günel Məlikova
AZƏRTAC-ın xüsusi müxbiri
İstanbul