İDMAN


Xüsusi Yay Olimpiya Oyunlarında Azərbaycan komandası daha bir gümüş medal qazanıb

Bakı, 16 mart, AZƏRTAC

Birləşmiş Ərəb Əmirliklərində Xüsusi Yay Olimpiya Oyunlarında Azərbaycan komandası aktivinə daha bir gümüş medal əlavə edib.

AZƏRTAC xəbər verir ki, martın 16-da keçirilən cüdo yarışlarında idmançımız Fərid Şərifov (64 kq) 4-cü divizionda ikinci yeri tutub.

Qeyd edək ki, bundan əvvəl 47 kiloqram çəki dərəcəsində pauerliftinqçimiz Aytac Səmədova toplam 152,5 kiloqram ağırlıq qaldıraraq 4 hərəkətin cəmində gümüş medal qazanıb.

Azərbaycan komandası yarışlarda atletika, pauerliftinq, cüdo, stolüstü tennis, badminton, futbol, həndbol, basketbol, voleybol və üzgüçülük üzrə 54 idmançı ilə təmsil olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.