İDMAN


Xüsusi olimpiyaçı oğlanlar arasında həndbol üzrə seçmə yarışların qalibi müəyyənləşib

Bakı, 21 iyun, AZƏRTAC

Xüsusi Olimpiya Komitəsinin təşkilatçılığı ilə Şağan Olimpiya İdman Kompleksində oğlanlar arasında həndbol üzrə seçmə yarışlar keçirilib.

AZƏRTAC xəbər verir ki, turnir xüsusi Olimpiya proqramına uyğun olaraq 2 divizionda təşkil olunub. Yekun nəticəyə görə, birinci yeri Xəzər rayonu valideyn himayəsindən məhrum olmuş uşaqlar üçün 2 nömrəli ümumi orta internat məktəbinin komandası tutub. İkinci yerə sərbəst məşqçi-müəllim Lyudmila Qasıyevanın komandası sahib olub. Üçüncü pillədə isə Xəzər rayonu, E.Mirzəyev adına sağlamlıq imkanları məhdud uşaqlar üçün 6 nömrəli Respublika xüsusi internat məktəbinin yığması qərarlaşıb.

Qeyd edək ki, yığma komanda ən güclü divizionda qalib gələn komandanın bazasında komplektləşdiriləcək və 2023-cü ilin beynəlxalq yarışlarında iştirak etmək şansı qazanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.