ELM VƏ TƏHSİL


Yeni nəşr - “Kitabxana etikası və kitabxanaşünaslığın linqvo-konseptual məsələləri”

Bakı, 14 mart, AZƏRTAC 

Azərbaycan Milli Elmlər Akademiyası (AMEA) Məhəmməd Füzuli adına Əlyazmalar İnstitutunun elmi işlər üzrə direktor müavini, filologiya elmləri doktoru Aybəniz Əliyeva-Kəngərli və institutun beynəlxalq əlaqələr şöbəsinin aparıcı elmi işçisi, tarix üzrə fəlsəfə doktoru Cavid Cəfərovun həmmüəllifi olduqları “Kitabxana etikası və kitabxanaşünaslığın linqvo-konseptual məsələləri” kitabı çapdan çıxıb.

AMEA-dan AZƏRTAC-a bildiriblər ki, Azərbaycan Xalq Cümhuriyyətinin 100 illiyinə həsr olunan nəşrin elmi redaktoru AMEA-nın Humanitar Elmlər Bölməsinin akademik-katibi, Əlyazmalar İnstitutunun direktoru, akademik Teymur Kərimli, elmi məsləhətçisi isə Rusiya Milli Kitabxanasının kitabxanalararası əlaqələr şöbəsinin müdiri, pedaqogika elmləri doktoru İrina Truşinadır.

Müəlliflər ilk dəfə Azərbaycanda kitabxana əxlaqı fəlsəfəsinin, kitabxanaçı etikasının formalaşması probleminə, onun tarixinə və inkişafına elmi-nəzəri kontekstdən nəzər salaraq, bu sahə üzrə hüquqi fəaliyyətin, kodeksləşdirmənin özünəməxsus xüsusiyyətlərini tədqiq ediblər.

Nəşrdə, həmçinin “kitabxanaçılığın” iş və ya peşə olması ilə bağlı polemik fikirlərə münasibət bildirilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.