DÜNYA


Yens Stoltenberq: NATO Ukraynadakı müharibənin tərəfi deyil

Bakı, 7 may, AZƏRTAC

NATO Ukraynanı dəstəkləsə də, müharibənin tərəfi olmaq istəmir. Hərbi əməliyyatların digər ölkələrə keçməsindən yayınmaq lazımdır.

AZƏRTAC xəbər verir ki, bunu NATO-nun Baş katibi Yens Stoltenberq “Welt am Sontag” nəşrinə müsahibəsində deyib.

“Təəssüf ki, biz Ukraynada aylarla və hətta illərlə davam edə biləcək uzunmüddətli müharibəyə hazır olmalıyıq. Ukrayna uzun vədəli perspektivdə yalnız Sovet İttifaqından qalmış silahlarla müdafiə oluna bilməz və Kiyev tədricən müasir Qərb silahlarına keçməlidir. Hazırda onların ağır silahlara daha çox ehtiyacı var və Qərb ölkələri silah tədarükünü intensivləşdirməlidir”, - deyə Şimali Atlantika Alyansının Baş katibi bildirib.

Onun sözlərinə görə, münaqişənin başqa ölkələrə yayılmasının qarşısını almaq üçün hər şey edilməlidir. Məhz buna görə NATO qoşunları Ukraynaya göndərilmir. NATO müharibənin tərəfi deyil.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.